آر اولسون ! آلمان-دا ياشايان آذربايجانليلارين عليئو دولتينين ايران-ا سس وئرديگي باره ده يايينلاديقي

بيز آلمان-دا يئرلشن آذربايجانليلار، سولاله حاکيميتي نين آذربايجان خالقينا قارشي آتديغي بو آدديمي پيسله ييريک.

هله فارس رئژيمي نين الي ايله شهيد اولموش ايگيدلريميزين قاني قوروماييب،

هله فارس زيندانلاريندا قتله يئتيريلميش و گئجه مئييتلري ائل گؤلونه آتيلميش آذربايجان بالالاري نين آنالاري ماتم ايچينده ديرلر،

هله ايران هئبسخانالاريندا يوزدن چوخ ميللي فعاللارينيز جيسمي و روحي ايشکنجه آلتينداديرلار، يوزلرله آنا ديليميزده ياييلان ژورناللار ياساقلانميشدير.

بئله بير وضعيتده ايران آدلانان اؤلکه ني  ب.م.ت-نين اينسان هاقلاري شوراسي نين نزارتي آلتيندان چيخارتماق آذربايجان ميلتي ايله آچيق دوشمنچيليک دئمکدير. ايران حاکيمييتي تکجه ۳۵ ميليون تورکون اينسان هاقلاريني تاپتالامير، عئيني زاماندا اونون ميللي وارليقيني پلانلاشديريلميش شکيلده تالان ائتمئکدئدير.

ايران حاکيميتي ماهيت اعتيباري ايله آذربايجان-ين دوولتچيليگي نين قاتي دوشمني اولان ارمنيستان و روسيه ايله استراتئژيک دوستلوق آپاران دوشمن موقعینده دیر.

علييئو رئژيمي فارس شوونيستي و اونون ميلته قارشي اولان سيياستلرينه دستک وئرمکله ، آذربايجان دوولتچيليگينه و ميلتچيليگينه ضيد اولان سياسته گوج وئرير. بئله بير سياسي اينتيحارا ايمضا آتميش علييئو رئژيمي نين آذربايجان دوولتيني ايداره ائتمه يه هئچ بير صلاحيتي يوخدور .

سؤزده ۵۰ ميليونلوق آذربايجاندان دانيشماق و عملده ايشقالچي ارمنسينتان-لا بير يئرده فارس شوونيستينه دستک وئرمک علييئو حاکيميتينين حاقيقي ماهيتيني اورتايا گويموشدور.

البته کي، بيز بو نوبتي خئيانتي علييئو رئژيمي نين عمومي سيياستي نين بير پارچاسي حساب ائديريک. نئچه ايلدير کي، ميللي هيسسلئريميزي محو ائتمه يه چاليشيرلار. همين سيياستين نئتيجه سينده ميللي دئموکراتيک تشکيلاتلاري داغيتماغا و ياخود ضررسيزلشديرمه يه جهد ائديرلر.

بو رئژيم آذربايجاني نين مقدس آتريبوتلاري آلتيندا گيزلنه رک ، سيماسيز کؤله لري ساتين آلاراق ، ديياسپورا تشکيلاتلاريني او جومله دن [4] د.ا.ک-اي پارام–پارچا ائتدي. باکي-دا تورک دونياسي آدي آلتيندا توپلانيپ آذربايجان-ين گونئيينده ياشييان ۳۵ ميليون تورکون آديني چکمه يه بئله ياساق قويولدو. بونلار تصادوفي حاديثه لر دئييل، عکسينه سيستئملي آنتي ميللي سيياستين آيريلماز ترکيب حيصه سيدير.

آذربايجان ميلتي آرتيق اويانيبدير، و “او تاي بو تاي بير اولسون” ، “يا قاراباغ يا اؤلوم” شوعاعرلاري دوشمنله بيرليکده ساتقينلارين جانينا قورخو سالميشدير.